हरपरौरी - जयगणेश दावोसिंग

हरपरौरी

जयगणेश दावोसिंग

पनिया बिना परल बा अकाल

जनावर चिरँय सब कोय बा बेहाल

बोवल धनवा सूखा गइल

मटिया सगरो सूखा गइल

धेर करली स पनिया के जियान

कबो नँय सोचली एकर मान 

 

 चलऽ पूजे ईन्दर देव के

ईन्कर मनायला सब मिलके

झाल-ढोलक बजे लगल

सूमिरन होवे लगल

गूँजे लगल हरपरौरी के गीत

गावे लगल आगे के रीत

"पनिया बरसऽ हो नारायन

पनिया बिना परल बा अकाल !”

बरसे लगल मूसर के धार

गावे लगल चिरँय हजार

बोवल धनवा हरियाइल

झूमे लगल जियवा हमार

आवे लगल पनिया

बहे लगल नदिया